有個巴籍呀叔想攞轉介信，試吓提早公家個腦科新症期。話說佢覺得成日頭痛，早輪已經有醫生寫過信叫佢睇專科。佢嗰期排到2020年。合理呀！人手唔夠，資源唔夠，施政報告又冇派糖俾醫療體制！你淨係得頭痛，排幾年專科差唔多啦。
佢之後返左老家搵咗專科照左磁力共震，話佢冇事。食止痛藥又話唔得。食草藥又話唔得。跟住輾輾轉轉返咗香港。有一日佢走咗去新界西急症室，個醫生又好心幫佢寫封信R快期。又比佢R到四個月後就有得睇。咁樣已經係超級霹靂快！
當然佢仲係覺得好耐，今日要我再寫信幫佢又R快啲嘅期。佢又唔肯試再勁啲嘅止痛藥，淨係想攞封信。其實你已經好快。結構上你冇嘢起碼唔係生腦癌中風先啦。唔係話你唔使醫，但係資源有限嘅時候，排你四個月已經係天大嘅恩賜。
我同佢解釋香港嘅醫療體制係有公同私家兩邊。你冇錢就要用時間去等Appointment。你唔想等，唔該乖乖地奉獻你嘅金錢來做等價交換。唔公平？點解冇資源？點解人手短缺？我諗林太都未必會/想搭你。個遊戲係要咁玩都冇辦法。冇人理冇人幫手改有問題嘅遊戲規則，咁可以點？求神拜佛真係冇乜特別野只係純粹嘅頭痛。
～～～
冇理由細細個嘅時候大家唔想食掛？幾香奶味！
Search